Борбордун ишмердүүлүгү студенттер менен маданий-тарбия берүү иштеринин ар кандай формаларын өнүктүрүүгө, студент жаштарды чыгармачылык иш-аракеттер менен тааныштырууга көмөктөшөт.
Эстетикалык тарбия берүүнүн эффективдүү формасы - бул көркөм өнөр тарыхы, адептүүлүктү үйрөнүү, «Театр академиясынын» программасы боюнча театрлаштырылган спектаклдарды көрүү жана талкуулоо лекцияларынын цикли, ошондой эле эстетикалык тарбия берүүчү 24 студияда чыгармачыл сабактар. Алардын ичинде - театрлаштырылган, адабий-драмалык, вокалдык жана хордук, автордук ыр, журналистика ж.б. бар. Заманбап бийлер, бал бийи, элдик бийлер ансамблдери, моделдер студиясы жана эстрадалык вокал, комузчулар ансамбли жана башка чыгармачыл топтор студенттер арасында абдан популярдуу.
Шекспирдин, Пушкиндин, Чеховдунр, Мольердин, Островскийдин, Булгаковдун, Ч. Айтматовдун, М.Байджиевдин, М.Тойбаевдин жана башка классикалык жана заманбап авторлордун чыгармалары боюнча бир катар спектаклдар, сценалык комплозциялар театралдык жана адабий-драматикалык студияларда коюлган. Бул топтордун сахна иштери бир нече жолу студенттик чыгармачылык фестивалдарынын лауреаттары жана дипломанттары болушкан.
Көркөм табитти тарбиялоо, кесиптик чеберчиликти өөрчүтүү, чыгармачыл демилгени өркүндөтүү максатында 1996-жылдан бери университеттин ичинде «КРСУнун жылдыз сааты» студенттердин чыгармачыл фестивалы өткөрүлүп келет. Сынак 9 номинация боюнча өткөрүлөт: вокалдык жана хордук, инструменталдык аткаруу, театралдык искусство, хореография, автордук ыр, эстрадалык вокал, адабий чыгармачылык, журналистика, көркөм сүрөт жана декоративдик-колдонмо искусство. «Жылдыз сааты» фестивалы лауреаттардын жана диплом ээлеринин чоң Гала-концерти менен аяктайт. Акыркы жылдары фестиваль сынактарына 6500дөн ашуун студент катышкан. 3000 миңден ашууну лауреат жана дипломдун ээси болушкан.
Студенттик комитет КРСУда ийгиликтүү иштейт, КРСУнун КВН командалары сыяктуу студенттердин коомдук бирикмелери бар, алар Кыргызстан менен Казакстандын КВН Лигасынын оюндарынын көп жолку чемпиондору болушкан;
Дебат клубу - Кыргыз Республикасынын Демократиялык Билим берүү Борборунун Дебат программасынын турнирлеринин көп жолку жеңүүчүсү;
«SIFE-KRSU» командасы республикалык мелдештердин көп жолку жеңүүчүсү.
1996-жылдан бери КРСУда «Студенческое обозрение» гезити чыгып келет. 2007-жылы гезит жаңы статуска ээ болуп, Кыргыз Республикасынын Юстиция министрлигинен каттоодон өтүп, жаңы редакцияда чыга баштады. «Студенческое обозрение» гезити студенттердин шаардык фестивалынын «Адабий чыгармачылык» номинациясынын жеңүүчүсү болду. Редакция жамааты «Сорос-Кыргызстан» фондунун гранттарын бир нече жолу алган жана бул гезиттин сапатын жакшыртууга мүмкүнчүлүк берген.
Университеттин студенттери «Эгемендүүлүк күнү» жана «Кыргыз Республикасынын Мамлекеттик тил майрамы», «Нооруз», «Ата Мекенди коргоочулардын күнү», «Улуу Ата Мекендик согуштагы Жеңиш күнү» ж.б. майрамдык концерттерге ынтызарлык жана чоң жоопкерчилик менен катышышат. КРСУнун студенттери Кыргызстандын Жаштар күнүн, Эл аралык студенттер күнүн, Жаңы жылды, Ыйык Валентин күнүн жана башка майрамдарды ар кандай чыгармачыл акциялар (КВН оюндары, шоу конкурстар, майрамдык дискотекалар) менен белгилешет.
Университеттин жашоосундагы маанилүү окуя жыл сайын өткөрүлгөн «Студенттик наам берүү» майрамы болуп, анда биринчи курстун студенттери ынтымактуу студенттердин үй бүлөсүнө «кабыл алынышат». Бул иш-чара салттуу түрдө Бишкек спорт сарайында өткөрүлөт. Майрам КРСУнун чоң студенттер хорунун аткаруусунда "Гаудеамус" гимни менен ачылат. Ректора, декандар, Студенттик комитет жана университеттин бүтүрүүчүлөрү саламдашып, өз куттуктоолорун айтышат. Университеттин чыгармачыл жамааттарынын катышуучуларынын – студенттик чыгармачылыктын фестиваль-конкурстарынын лауреаттарынын жана дипломанттарынын көп жанрлуу театрлаштырылган концерти өтөт. Сарайдагы майрам шаңдуу дискотека менен аяктайт.
Кыргызстандын коомдук жана маданий турмушундагы маанилүү окуя - бул жыл сайын КРСУда А.С.Пушкиндин туулган күнүн белгилөө. Университеттин башкы имаратынын алдына орнотулган улуу акындын эстелигинин алдында театрлаштырылган адабий-музыкалык программа өткөрүлүп, белгилүү илим, маданият ишмерлери, жазуучулар, акындар, котормочулар чыгып сүйлөшөт.
КРСУнун студенттик көркөм чыгармачылык жамааттарынын катышуучулары республикалык, шаардык маанидеги чыгармачыл иш-чараларга, анын ичинде студенттердин балдарга, форумдарга, телемарафондорго, кайрымдуулук концерттерге, КВН оюндарына, ошондой эле студенттик чыгармачылык фестивалдарына активдүү катышышат.
КРСУ «Студенттик Жаз Ала-Тоо», «Саманчынын жолу», «Кыргызстандын ырчы үндөрү», «Эл ичи - өнөр кенчи" ж.б. студенттердин чыгармачылыгынын республикалык жана шаардык фестивалдарында көп жолу биринчи жана байгелүү орундарды ээлеп келген. Солист-вокалисттер жана аткаруучу топтор, анын ичинде «Жемчужина» бал бий ансамбли, «Дабдаун», «Даймонд», «Р-л стрит», «Каухар», «Славянка», «Ривердэнс», «A Дива», «Росинка», «Ай-Булак» элдик жана заманбап бий ансамблдери, КРСУнун Чоң хору, комузчулар ансамбли, элдик, заманбап жана автордук ырлардын вокалдык ансамблдери, театр студиясы, моделдер студиясы, вокалдык-аспаптык топтор ж.б. 180ден ашык лауреаттардын дипломдоруна ээ болушкан.
Чыгармачыл студиялардагы сабактар, тарбия иштеринин ар кандай формаларын колдонуу психологиялык климатка, студенттердин ортосундагы мамилелерге жакшы таасирин тийгизип, студент жаштардын чыгармачыл өнүгүүсүнө, татаал заманбап дүйнөдө өз ордун таба алган ар тараптуу өнүккөн инсанды калыптандырууга өбөлгө түзөт.
